Dada Cross, umuraperi w’umunyarwandakazi uba muri Leta zunze ubumwe z’Amerika arimo gutegura uruzinduko mu Rwanda.

 by kevin

Umukobwa w’umunyarwandakazi witwa Missy Lea Banks uzwi nka Dada Cross aratangtaza ko arimo gutegura uruzinduko ateganya kuzagirira mu rwamubyaye akanahakorera ibitaramo bitandukanye.

Dada Cross yagiye muri Leta zunze ubumwe z’Amerika mu mwaka wa 2001, ajyanye n’umuryangowe, ubu uretse kwiga muri kaminuza ya Full Sail University no gukora, arimo no kuzamuka mu mwuga wo kuririmba injyana ya Hip hop nk’umuraperi.

Dada cross aganira n’igihe.com yagize ati “ Umwuga wokuririmba nawutangiye vuba mu mwaka wa 2011, ariko na mbere nabikoraga byo kwishimisha gusa (for fun), ubu ndimogukora hiphop cyane cyane ariko ndanaririmba.

Kuva aho ntangiriye umwuga maze gukora indirimbo 6, kandi nabonye abakunzi ba muzika baranyakiriye neza cyane cyane urubyiruko uretse ko n’abantu bakuze banshyigikiye cyane cyane inaha mba muri Leta zunze ubumwe z’Amerika kandi no mu Rwanda naho ngenda mbona ubutumwa bw’abantu batandukanye bambwira ko banshyigikiye kandi bakunze indirimbo zange”.

Dada Cross yakomeje avuga ko n’ubwo bigaragara ko abafanabe benshi ari urubyiruko gahunda ye ari ugukora muzika ishobora kumvwa n’abantu bose kandi  n’ubundi ngo abona ariwo akora ahubwo igisigaye ari ukureba uko yawumenyekanisha gusa n’abo bakabasha kuwumva, ati “ Urugero indirimbo yange yitwa warampemukiye, iririmbitse ku buryo ishobora kumvwa n’ingeri zose z’abantu ( reba iyi ndirimbo:http://www.youtube.com/watch?v=BDz7rnx3txg ) kandi kuva igiye ahagaragara maze kwakira amatelefone y’abantu bari mu bice  byose by’isi cyane cyane ababyeyi bambwira ngo wagirango nibo naririmbye neza neza”

Dada Cross ngo inganzo ye ikunze guturuka  ku bintu aba afite ku mutima we biba byaramubayeho cyangwase byabaye kubo azi bityo bikamufasha guhimba indirimbo ifite icyo ivuga kandi ifite n’icyo igiye gukemura muri societe muri rusange.

Dada yaboneyeho no gutangariza Abanyarwanda ko vubaha mu kwezi k’Ukuboza azaza kubasura akanabataramira, Ati” Ubu sindyama ndimo gutegura no gukora ibintu bishyashya, no kwitegura icyo gitaramo nzabakorera kugirango mbereke urwego maze kugeraho, ikindi kandi ndabakunda”.