Itsinda rya the Brothers riratangaza ko ritatewe ipfunwe no kutagaragara mu cyiciro na kimwe cya Salax Awards kuko ngo ritakoze bihagije mu mwaka ushize, gusa ngo bakaba bagiye kuzana ingamba nshya muri uyu mwaka.
Ubwo twaganiraga
na Victory Fidel, umwe mu bagize iritsinda yadutangarije ko batababajwe no
kutagaragara mu bahatanira ibihembo bya Salax Awards kuko nabo bari mu
banyamakuru batora abahatana dore ko bose ari n’Abanyamakuru, ahubwo ngo
babikuye mo isomo ryo gufata ingamba nshya muri uyu mwaka.
Yakomeje avuga
ko nabo batakwirenganya kuko bakoze amezi atandatu ya mbere y’umwaka wa 2011,
andi asigaye bayamara bahugiye ku bukwe bwe.
Victory Fidel yemera ko mu mwaka ushize bakoze ariko nanone amatsinda yashyizwe ku rutonde rwo guhatanira igihembo mu cyiciro cy’amatsinda muri Salax Awards yose yabarushije gukora kabone yewe na TNP abenshi babona itari ikwiye gutoranwa no The Brothers isigare.
Gusa ngo
barateganya kwicara n’abajyanama babo bashyireho gahunda y’uyu mwaka kuko
bashaka kongera kwigaragaza nk’uko byahoze.
Vénuste Kamanzi
No comments:
Post a Comment