Kuba Danny agiye gushyira kumugaragaro Album ye wenyine ntacyo bidutwaye-Victory Fidel (The Brothers)

Kuba Danny  agiye gushyira kumugaragaro Album ye wenyine ntacyo bidutwaye-Victory Fidel (The Brothers)

Kuba Danny agiye gushyira ku mugaragaro album ye kugiti cye ntacyo bidutwaye nka The Brothers kuko twabyumvikanyeho.

Uyu muhanzi Danny uzwiho ubuhanga mukuririmba  cyane cyane mu itsinda rya The Brothers ubu agiye gusohora album ye wenyine atari kumwe nabagenzi be mu mpera z’uyu mwaka.

Uyu muhanzi Wamenyekanye cyane mu itsinda rya The Brothers nk’umuririmbyi n’umwanditsi ukomeye muri iryo tsinda ariko biza gutangazwako muri The Brothers hatangiye gahundanshya yo kwemerera abahanzi bari muri iryo tsinda ko bakora indirimbo ku giti cyabo ari nabwo uyu Danny yakoranaga indirimbo n’abandi bahanzi nk’iyamenyekanye cyane yakoranye na The Ben yitwa Burundu ndetse n’abandi bo muri iri tsinda batangira gukorana n’Abandi bahanzi, Ziggy 55 nawe agenda akorana indirimbo n’abandi bahanzi nka Tom Close.

Danny yaje gutangaza ko mu kwezi kw’Ukuboza 2011 azashyira kumugaragaro album ye ya mbere ari wenyine mu kiganiro na Radio Isango Star, ariko ntacyo bizahindura ku mikorere n’imikoranire ye na The Brothers, Ati” Nkuko nabandikiraga indirimbo n’ubundi nzakomeza nzandike kandi n’ibindi twafashanyagamo tuzabikomeza”

Igihe.com yegereye Victory Fidel umwe mu bagize iri iri tsinda ngo agiere icyo avuga ku kuba Danny agiye gushyira ku murika album ye wenyine, agira ati” Twe nkabagize itsinda twishimiye intera mugenzi wacu agezeho, kuko natwe ni ibintu twifuza n’uko we aturushije amahirwe akayuzuza mbere yacu ariko natwe mu minsi mike mushobora kumva undi muri twe yashyize ku mugaragaro album ye bwite kandi twiteguye gufasha Danny n’ubwo muri iyo albumye hashobora kuba nta ndirimbo duhuriyehon nimwe iriho n’undi wese wo muri iri tsinda wagira ikindi gikorwa ageraho”

Tubibutseko aba basore babiri Victory Fidel na mugenzi we Ziggy 55 baherutse kujya mu marushanwa ya EA music Awards mu cyiciro cya BEST AFRO-FUSION group batari kumwe na mugenzi wabo Danny.

Venuste KAMANZI